سلمان نے جان ابراہم کو فلم ’’ریس 3‘‘ سے باہر کردیا


فلم نگری کے کئی فلمسازوں، اداکاروں ، اداکاراؤں اور گلوکاروں کے کیرئیر سلمان خان کی ناراضی اور غصے کے باعث زوال کا شکار ہوچکے ہیں۔

فلم نگری کے صف اول کے اداکار گووندا، سنیل شیٹھی، شاہ رخ خان، سنجے دت ، انیل کپور سمیت کئی سپر اسٹارز دبنگ خان کے ساتھ دوستی کا دم بھرتے نہیں تھکتے ہیں لیکن وہیں بیشتر اداکار ان کے غصے کا خمیازہ اب تک بھگت رہے ہیں جس میں ویویک اوبرائے اور جان ابراہم شامل ہیں۔

بھارتی میڈیا رپورٹس کے مطابق سلمان خان ایکشن اسٹار جان ابراہم کے ساتھ 12 سال پرانی ناراضی نہیں بھول پائے ہیں۔

سلو میاں نے فلم ’’ریس 3‘‘ کے پروڈیوسر رمیش تورانی سے جان ابراہم کو فلم سے باہر کرنے کی صورت میں ہی کام کرنے کی شرط رکھی تھی جس پر فلم ساز نے بھی جان کو پروجیکٹ سے ہی آؤٹ کرنے میں عافیت جانی اور اب ان کی بجائے نوجوان اداکار سدھارت ملہوترا کو فلم میں کام کرنے کی پیش کش کی ہے۔

یاد رہے کہ جان ابراہم نے فلم ’’ریس 2‘‘ میں اہم کردار ادا کیا تھا اور وہ فلم کے تیسرے سیکوئل میں بھی کام کرنے کے لیے تیار تھے۔

واضح رہے کہ سلمان خان’’کک‘‘ کے بعد ایک بار پھر ’’ریس 3‘‘ میں منفی کردار میں نظر آئیں گے جس میں ان کے مدمقابل جیکولین فرنینڈس مرکزی کردار ادا کریں گی۔

Advertisement



loading...
loading...

ڈیلی نیوز پاکستان

ایک ایسی ویب سائٹ جہاں آپکو ہر اھم خبر بروقت ملے خبر سیاست سے متعلق ہو یا معیشت سے ملکی ہو یا غیر ملکی یا بین الاقوامی معیشت کے عنوان سے ہو یا معاشرت کے کھیل کی خبریں ہوں یا عوامی مسائل کی الجھنیں ہم آپکے سامنے پیش کرتے ہیں ہر ضروری اور غیر معمولی نیوز اپڈیٹس تجزیے تبصرے مکالمے مباحثے بلاگز مضامین مقالات بروقت برموقع برمحل
Top