حلقہ این اے 120نے عمران خان کی راتوں کی نیند چھین لی


لاہور (مانیٹرنگ ڈیسک)حلقہ این اے 120میں ن لیگ کی فتح پر عمران خان کی نیندیں حرام، شدید ذہنی اذیت میں مبتلا، نیب اور سپریم کورٹ کی کارروائیوں کے باوجود آپ لوگ ن لیگ کو ضمنی الیکشن میں شکست نہ دے سکے تو 2018کے انتخابات میں کیا کرینگے؟کپتان تحریک انصاف لاہور کی قیادت پر چڑھ دوڑے، کھری کھری سنا دیں۔ تفصیلات کے مطابق حلقہ این اے120میں مریم نواز کی زیر قیادت ن لیگ کی ضمنی الیکشن میں فتح پر عمران خان شدید ذہنی اذیت میں مبتلا ہو چکے ہیں اور تحریک انصاف کی ہار نے انہیں شدید پریشان کر کے رکھ
 

دیا ہے۔ اسی پریشانی میں انہوں نے تحریک انصاف لاہور کی قیادت کو کھری کھری سناتے ہوئے سخت سست بھی کہہ ڈالا ہے۔ عمران خان نے پی ٹی آئی لاہور کی قیادت پر سخت برہمی کا اظہار کرتے ہوئے کہا کہ آپ لوگوں سے کچھ نہیں ہوتا ، نیب اور سپریم کورٹ ایک جانب ن لیگ کے خلاف کارروائیاں بھی کر رہا ہے اور آپ تب بھی ان سے ضمنی الیکشن میں ہار گئےہیں ، آپ سے 2018کے الیکشن میں کیا توقع کی جا سکتی ہے کہ آپ اس میں کیا کرینگے؟عمران خان کی بے چینی کی ایک اور وجہ مریم نواز بھی ہیں جن پر انہوں نے بہت تنقید کی تاہم اب NA 120 میں جیت کا سہرا مریم نواز کے سر سجایا جا رہا ہے جس کی وجہ ان کی جانب سے چلائی گئی بہترین انتخابی مہم ہے جس کے باعث پاکستان تحریک انصاف کو این اے 120 کے ضمنی انتخاب میں ہار کا سامنا کرنا پڑا۔ عمران خان کو NA 120 میں ہار کے بعد پورا لاہور اپنے ہاتھ سے جاتا دکھائی دے رہا ہے اور یہی وجہ ہے کہ وہ تحریک انصاف کی لاہور کی قیادت پر شدید برہم ہوئے اور ان کی سیاسی پالیسیوں اور انتخابی مہم کو آڑے ہاتھوں لیا۔

Advertisement



loading...
loading...

ڈیلی نیوز پاکستان

ایک ایسی ویب سائٹ جہاں آپکو ہر اھم خبر بروقت ملے خبر سیاست سے متعلق ہو یا معیشت سے ملکی ہو یا غیر ملکی یا بین الاقوامی معیشت کے عنوان سے ہو یا معاشرت کے کھیل کی خبریں ہوں یا عوامی مسائل کی الجھنیں ہم آپکے سامنے پیش کرتے ہیں ہر ضروری اور غیر معمولی نیوز اپڈیٹس تجزیے تبصرے مکالمے مباحثے بلاگز مضامین مقالات بروقت برموقع برمحل
Top